प्रदूषण एक समस्या मराठी निबंध । Pradushan Ek Samasya Essay in Marathi
नमस्कार मित्र-मैत्रिणींनो आज आपण प्रदूषण एक समस्या मराठी निबंध बघणार आहोत. नुकताच एक लेख वाचण्यात आला. रशियातील प्रदूषणाबद्दल लोक सांगतात की, रशियाचे पर्यावरण सल्लागार अॅलेक्सी याब्लोकोव्ह यांची तपासणी केली असता त्यांच्या शरीरातही किरणोत्सर्गी पदार्थ धोक्याच्या पातळीच्यावर गेलेले आढळले!
विनोदाचा भाग सोडला, तरी रशियात अणुभट्ट्या व त्यावर चालणारी विद्युतकेंद्रे यांनी आसपासच्या भागात ठिकठिकाणी किरणोत्सर्गी प्रदूषणाचा धोका निर्माण झाला आहे हे सत्य आहे. अर्थात जगातील प्रगत राष्ट्रातही प्रदूषण राक्षसाने मानवी जीवन धोक्यात आणले आहे.
मॉस्कोच्या हवेत दरवर्षी १० लाख टन कार्बन मोनॉक्साइड, नायट्रिक अॅसिड वगैरे प्रदूषित द्रव्ये सोडली जातात. मॉस्कोप्रमाणेच पॅरिस, वॉशिंग्टन, न्यूयॉर्क ही महानगरे भयानक प्रदूषित बनली आहेत. मग आपली दिल्ली, कलकत्ता, मुंबई ही शहरे तरी त्यांच्या तावडीतून सुटतील का?
एकट्या मुंबईत म्हणे सुमारे १७०० टन प्रदूषिते रोज हवेत सोडली जातात. हिमालयासारख्या ठिकाणी पर्यटनासाठी जाणारे लोक तेथे प्रदूषण निर्माण करतात. अपघातामुळे मेलेल्या माणसांची शरीरे अनेक वर्षे तेथेच पडलेली असतात. त्यामुळे हवामान दूषित होते.