माझा आवडता समाजसुधारक मराठी निबंध | Maza Avadta Samaj Sudharak.
नमस्कार मित्र-मैत्रिणींनो आज आपण माझा आवडता समाजसुधारक मराठी निबंध बघणार आहोत. आज आपण माझा आवडता समाजसुधारक असलेले दोन निबंध बघणार आहोत बाबासाहेब आंबेडकरांनी ज्यांना गुरू मानले, सावरकरांनी ज्यांना सामाजिक क्रांतिकारक म्हणून संबोधले, वि. रा. शिंदे यांनी सत्याचा व पतितांचा पालनवाला असे ज्यांचे वर्णन केले,
म. गांधींसारख्या महामानवाने ज्यांना 'खरा महात्मा' म्हणून गौरविले ते महात्मा जोतीबा फुले माझे आवडते समाजसुधारक आहेत. जोतीबा मानवतावादाचे उपासक होते. त्यांनी समाजाचा कसून अभ्यास केला होता. भारतीय समाज अज्ञान, अंधश्रद्धा, दारिद्रय, दैववाद अशा गर्तेत अडकला आहे हे समजायला चाणाक्ष जोतीबांना जरासुद्धा वेळ लागला नाही.
म्हणून सर्व सुधारणांचे मूळ शिक्षण आहे हे जाणून त्यांनी शाळा काढली, याचे ब्रिटिशांनाही कौतुक वाटते. म. फुल्यांनी शाळा काढून त्या ब्रिटिशांना चालवायला दिल्या. कारण सुरवातीला ब्रिटिश लोक शिक्षण देतात म्हणजे ही आपल्यासाठी चांगली गोष्ट करतात असे वाटत असे.
पण लवकरच त्यांना कळले की इंग्रजांचे शिक्षण-विषयक धोरण गरिबांसाठी उपयुक्त नाही. शेतकरी हा ग्रामीण जीवनाचा कणा आहे. त्यांची मुले शिकली पाहिजेत. म्हणून हंटर कमिशनपुढे साक्ष देताना जोतीबांनी इंग्रजांना ठणकावून सांगितले, 'सगळ्यात जास्त सारा, कर शेतकरी तुम्हाला देतो.
असे असताना तुमचे शिक्षण त्यांच्यापर्यंत पोहोचत नाही. तुम्ही त्यांच्या शिक्षणासाठी । किती खर्च करता? त्यांच्या मुलांची परवड होते. त्यांच्यासाठी वेगळा अभ्यासक्रम हवा. चांगला पगार देऊन चांगले शिक्षक खेड्यात पाठवले पाहिजेत. त्या मुलांना शिष्यवृत्त्या दिल्या पाहिजेत.'